Skip to main content
Кракен ссылка кракен ссылка Блэкспрут ссылка блэкспрут ссылка

[Llanes 4-0 Ciares] El Llanes amenorga al Ciares

San José, un campo de la vieja escuela

Los d’Iñaki Eraña salen goleaos dempués d’na mala segunda parte, siendo totalmente desbordaos polos llaniscos.

San Xosé, un campu de la vieya escuela
San José, un campo de la vieja escuela

Güei vióse a un doble Ciares nel terrenu de San Xosé. El primeru d’ellos, el de los primeros 45 minutos, lluchador, y dominante. De fechu, durante esta parte, la posesión y les ocasiones, fueron visitantes. Si bien les de los llocales fueron más clares. Na segunda parte vióse a otru Ciares, superáu y desbordáu, ensin peligru atrás y sin poder frenar a un Llanes que xugó a placer.

Llanes 4 – 0 Ciares

Llanes: Gabri; Diego, Alonso, Genaro, Berto Toyos, Diego Arias, Aitor, Berto, Yoni (Rojas 78′), Jorgin (Rubén 65′) y Miguel (Esteban 62′)

Ciares: Davo; Fonso Bellón, Aitor, Juan Carlos, Chery; Dani Girón, Pablo Martínez (Jimmy 65); Natan, Marcos Iglesias, Cris (Dani Hevia 72′) y Ponte (Chus Naves 72′).

Goles:
1-0: Yoni 12′
2-0: Miguel 60′
3-0: Yoni 64′
4-0: Alonso 72′

Árbitru: Cruzado Vicente (Uviéu). Amonestó pol Llanes a Aitor, Berto Toyos y Diego; y pol Ciares a Chery.

Incidencies: Alcuentru correspondiente a la vixésimu novena xornada del grupu II de Tercera División celebráu en San Xosé ente 200 espectadores. Terrenu de xuegu en condiciones aceptables.

La baxa de César suplíala Eraña con dos movimientos. Per un llau, col debut del guatemaltecu Daniel Girón, que yera dau d’alta esta selmana, y s’encargaría de llevar la guía del equipu. Per otru llau, Juan Carlos retrasaba la so posición al centru de la defensa, dando cabida a un Pablo Martínez que yera mui echáu en falta pola afición colorada, y llevaba un tiempu condenáu al ostracismu.

El partíu arrancaba frenéticu. Davo salvaba un mano a mano, y actu seguíu Pablo Martínez llanzaba un zarpazu dende la frontal del área que sacaba con apuros el guardameta llocal. Así ye qu’a los 10 minutos llegaba’l primer gol, nun balón del veteranu Aitor Tornavaca que buscaba la tiesta de Yoni y batía a Davo.

A partir de entonces, yera’l Ciares el que diba buscar ell gol. Profundidá por parte de Natan y Cris, buscando llínia de fondu. La ocasión más clara teníala Marcos Iglesias, pero’l remate dende dientro l’área marchaba mui altu.

La réplica púsola Yoni. Revolvíase mui bien pero disparaba mui mal ente la salida de Davo, perdiéndose’l cueru pela llínia de fondu. Esta primer parte terminaría con buena xugada de Natan pela banda derecha, que ponía’l pase atrás pero nun acertaba’l debutante Dani Girón nel so disparu a bote prontu.

Na segunda parte cambiaba’l panorama. Yá dende l’entamu se veía la vulnerabilidá de la defensa, nuna gran xugada de Dani, estremu diestru llocal, que nun finalizaba en gol por bien poco.

Nun tardaba en sentenciar el Llanes. Balón escontra l’estremu zurdu, qu’arrancaba en posición duldosa, y Miguel sólo tenía que poner el pie pa emburriala.

Actu seguíu, el terceru. Xugada pela banda contraria, balón atrás, y Yoni remachaba’l terceru del Llanes y el segundu na so cuenta. El Ciares desangrábase.

Una gran falta llanzada por Alonso dende la frontal del área pesllaba la goleada llocal, nuna falta que amás valía-y la tarxeta a Chery. Llanzaba per enriba la barrera y poco podía facer Davo.

Yá con 4-0 volvía a mover Eraña’l banquín. Cris y Ponte dexaben el puestu a Chus Naves y a Dani Hevia. Yá col llateral xixonés, Juan Carlos volvía al so puestu natural, Fonso venía al centru de la defensa, y el llateral garrana’l francu derechu, con yá 4 defensas puros.

A pesar de los esfuerzos, el Ciares tampocu foi capaz de conseguir el famosu gol del honor, y colaba de San Xosé con una dolorosa, y amplia, derrota. Al igual que tres del 1-6 frente al Avilés, toca agora llevantar l’ánimu, espera l’imprevisible Colunga el prósimu domingu. El décimu puestu espera.

0
    0
    Carrito
    Tu carrito está vacíoVolver a la tienda