[Ceares 2 – 1 Condal] Otra vegada fuertes en casa
L’equipu sigue faciéndose fuerte en casa, y con un once anováu, impúsose por 2-1 a unu de los candidatos al playoff d’ascensu. Cerramos la xornada en cuarta posición, nueve punto percima del descensu.
Tres la derrota en Villaviciosa, quiciabes dalgún podía pensar que’l suañu ciarista terminaba. Namás llueñe de la realidá. Nacho Cabo decidió realizar dellos cambeos nel once inicial, y Rubo, Pablo Martínez o Borja Noval salieron como titulares, demostrando que’l nivel de tola plantiya ye bien alto.
El partíu empezó como acostumamos: muncha presión y triangulaciones rápides al recuperar el balón. Nel minutu 9, Borja Noval, nel so primer partíu d’esta temporada, llanza un llibre directu que ye salváu por Chus Lastra con una gran espurrida. Poco dempués Rubo llántase delantre de Lastra, pero’l so disparu ye refugáu pol porteru xixonés.
En cantu de la media hora de xuegu, disparu cruciáu dende la frontera de Pablo Martínez que se pierde cerca del poste. Tres esta ocasión el Condal tuvo el so primera y única ocasión de la primer parte: falta nel cantu de la área que llanza Aitor, y Kike salva con una gran parada xuntu al palu.
Ceares 2 – 1 Condal
Ceares: Kike, Fonso (Rigo 70′), Lozano, Aitor Cañedo, Borja Noval, Meana, Pichón, Jimmy, Pablo Martínez (Borja Arguelles 73′), Pelayo Torre y Rubo (Ponte 80′)
Condal: Jesús, Óscar, Adolfo, Rueda, Patón (Nijo 60′), Jabuto, Aitor, Rufi (Carlo 51′), Joaquín Peña, Langarica y Javi (Cris 61′)
Goles:
1-0: minuto 55, Rubo
2-0: minuto 60, Borja Noval
2-1: minuto 71, Carlos
Árbitro: Barbeira Juste (Avilés). Amonestó por los locales a Pelayo Torre y Borja Noval. Por los visitantes expulsó a Cris, Jabuto, Óscar y Berto, además de amonestar a Lastra, Borja, Patón y Rufi.
Incidencias: Cesped en buenas condiciones. Se guardó un minuto de silencio en memoria de Miguel Ángel Lozano, padre del ex-secretario del club, y de Dino Blanco, abuelo del jugador de la primera plantilla Ponte.
La primer parte diba de golpes francos, y Borja Noval volvería ser protagonista: nueva falta na frontera que llanza Noval, pero’l so disparu vase alto por bien pocu, raspiando la cruceta.
Descansu en La Cruz y empate que polos méritos de cada equipu sabía a pocu.
Quiciabes por esta sensación, l’equipu salió a por toes na segunda parte. El primer intentu cuerre al cargu de Jimmy, que se llanta delantre de Lastra, y el porteru del Condal vuelve salvar al so equipu con una gran intervención, unviando a córner. Esi mesmu córner ye botáu por Pablo Martínez por que remate Aitor Cañedo, volviendo atrapar Chus Lastra. Nel ’55, Aitor Cañedo pon un balón en fondura pa Rubo Montequín, quien supera al so marcador en velocidá, y aprovechando el bote del balón, realiza una vaselina que supera a Lastra. 1-0 y llocura na grada que nun quedaría ende. Cinco minuto dempués, Rubo Montequín vuelve enfusase na área visitante, y Patón, dende’l suelu, comete una mano que l’árbitru sanciona con penalti. Lanza Borja Noval, engaña al porteru, y pon el 2-0 nel marcador.
Nel ’71, cuando’l partíu paecía solucionáu, Carlos recibe un balón na área y remata ensin pensa-y lo a la escuadra. Gran efectividá del Condal, marcando na so segunda llegada y metiendo el mieu nel cuerpu a la parroquia ciarista. A partir d’esi momentu los noreñenses viniéronse enriba y por momentos zarraron a el xixoneses na so área. Nel ’73, el excearista Nijo pon un balón zarráu que rematen en bracéu Rigo (en mesma puerta) y Carlos, pero Kike fai la intervención del partíu y salva l’empate. El Condal siguió colgando balones y primiendo, pero cuando más taben apertando, Jabuto caza a Ponte y ve la segunda mariella. De resultes d’esa xugada tamién ye espulsáu Cris, aparentemente por dici-y daqué al árbitru, lo que sumáu a qu’Óscar abandonara’l terrén de xuegu mancáu, dexaba a los noreñenses en cuadru.
Final del partíu col 2-1 y gran celebración tantu nel campu como na grada, con casi 500 aficionaos que se convirtieron nel xugador númberu 12, apertando cuando l’equipu más lo precisaba. 14 puntos, invictos nel fortín de La Cruz, y sacando yá 9 puntos a los puestos de descensu. El suañu nun termina, de xuru porque nun ye un suañu; lo que tamos viviendo ye bien real.
Próximu partíu: Sábadu a les 17:00 en La Mata escontra’l Candás C.F. Entraes pa socios del U.C. Ceares a 8€ (imprescindible presentar carné).