[Roces 1-2 Ciares] Los tres puntos camuden barriu

Jimmy y Ponte dan los 3 puntos al Ceares que se lleva’l primer derbi del añu ante’l Roces. Los de Miguelín xugaron un alcuentru bien seriu.

200 aficionaos citáronse en La Cruz, baxaron los Pericones, cruciaron Contrueces, y arroparon al Ciares na so primer cita de la temporada, nel campu del TSK Roces.

El Ciares llevóse los 3 primeros puntos en xuegu tres un seriu partíu, onde a pesar de la curtia resultáu, nunca llegó a tarrecer pol mesmu, y namás esbardiar delles ocasiones llegó a poner n’apiertos el partíu nos minutos finales.

Apoderaba ensin apuros el Ceares. Jorge Vázquez y Juan Carlos marcaben los tempos del partíu. Pichón y Chery yeren dos puñales per banda, y Jimmy y Ponte baxaben los balones y xugaben con criteriu. Asina llegó la primera, balón de Jimmy pa Pichón que disparaba alto.

A los 25 minutos estrenábase Jimmy. Jorge, porteru local, quedar a media salida, y Jimmy cabeciaba con maestría percima. Celebración per tolo alto na grada y nel verde. Jimmy y el Ceares vuelven apuntar alto.

Pasaben los minutos y siguía el dominiu local. Un solu disparu nel primer periodu pa los locales, de Nijo, qu’atrapaba Kike. Mentanto’l Ciares siguía llegando con peligru. Aitor intentábalo dende fora de la área pero’l so disparu buscando la escuadra nun atopaba portería. Ponte intentábalo con un mano a mano pero atayaba Jorge. De nuevu Aitor remataba tres un saque d’esquina pero la so cabezada díbase alto. Al descansu la sensación de que los 3 puntos volaríen pa Ciares apalpábase na xente. El Roces precisaba reaccionar, tenía tiempu.

Sicasí, empezaba’l Ciares cutiendo na segunda metá. Gran xugada pola esquierda de Chery, el balón cai-y a Ponte que remata y espeya’l porteru, vuelve caye-y el balón pero la so cabezada vuelve caye-y al porteru. A partir d’ende empezó a apertar un pocu el Roces, igualábase’l partíu. Avisaba primero Chema, pero entreteníase dientro de la área, buscaba la so pierna bona, y el so disparu fluexu atrapábalu Kike.

Tres dos internaes de Pichón, llegamos a la xugada polémica. Derribu de Rigo dientro de la área bricker. L’árbitru señala penalti a pesar de les protestes visitantes. Chema buscaba la escuadra y empataba el choque. Complicábase’l partíu’l Ceares. Pero llegó Ponte. Saque de banda llargu de Prendes que cabecia perfectamente l’ariete teyeru a la derecha del porteru. Picadina, embaxo, afecha. Onde nun lleguen los porteros.

Con más corazón que cabeza intentolo el Roces, pero ensin ésitu. Kike encargábase d’espeyar duldes.

El Ciares empieza con victoria fuera. Esto promete.