Alcuerdu ente l’U.C. Ceares, Gijón F.F. ya’l Balonmano Gijón

L’Unión Club Ceares, Gijón F.F. ya’l Balonmano Gijón, entidaes vecines del barriu de Ciares que desendolquen davezu’l so llabor a escasos metros, lleguemos a un alcuerdu col enfotu d’algamar beneficiu pa les nueses mases sociales.

Los socios ya les socies del U.C. Ceares ya’l Gijón F.F. van poder entrar de baldre a los partíos del Balonmano Gijón en División de Honor Plata, neto que los y les socies del Balonmano Gijón van poder arrimase a ver de baldre a los partidos que dambos equipos teyeros xueguen nel campu La Cruz.

El Balonmano Gijón ye angüaño una de les canteres más granibles del balonmanu asturianu, con alredor de 250 fiches. La so principal sede ye’l pabellón de La Teyerona, ya’l so equipu senior xuega na División d’Honor Plata femenina, lo que ye la tercer categoría del balonmanu estatal. Asina mesmu, el so equipu xuvenil ye un añu tres d’otru unu de los más destacaos
d’Asturies, xugando davezu la fase final na que se mide colos meyores equipos del restu de les comunidaes.

Darréu d’esti alcuerdu, ser sociu del U.C. Ceares o el Gijón F.F. va permitir también entrar de baldre a ver los partíos del Veriña C.F., la C.D. Aboño ya del Balonmano Gijón.