Na séptima escontra’l séptimu
El bombu foi caprichosu, polo que nesta séptima xornada enfrentaremos al séptimu equipu potente de la temporada. Nesta ocasión trátase del Condal de Noreña.
El Condal aspira a ameyorar la so yá sobresaliente temporada anterior. Nel pasáu cursu remataron nel puestu octavu, con 54 puntos. Seis percima d’el Ceares. Esta temporada reforzóse enforma y bien, polo que s’inclúi dientro de la terna de favoritos pa esos cuatros primeros puestos que daríen accesu al play-off de ascenso a Segunda División B.
Prueba del so gran nivel ye que cunta con cuatro xugadores de los apocayá convocaos pola Selección Asturiana, lo que lo convierte, xuntu col Llealtá, nel equipu que más integrantes apurre al combináu autonómicu.
La llista de xugadores convocaos escoyíos ta compuesta por Adolfo, Javi, Rueda y Joaquín. Sicasí, nun podemos dexar de llau a otros xugadores bien conocíos pola afición asturiana, por casu el rápidu punta ex del Sporting B, Carlinos.
La nota destacada poner la visita del nuesu ex Nijo. Xugador bien queríu na Cruz, que magar foi de más a menos mientres la temporada pasada, toos sabemos de la so maniega de categoría y de la so facilidá d’encha.
Otru partíu duru, una nueva batalla per delantre. Pero non cabo dulda de qu’el Condal tamién va tar esmolecíu pol alcuentru del domingu. Caltenemos la fe. Siempres.